Esta mañá os colectivos Amarante, ACSUR-Galiza, Coordinadora Galega de Crentes, Enxeñeiría Sen Fronteiras, Foro de Inmigración, Fuco Buxán, Sindicato Labrego Galego, Verdegaia, Wipala quixemos mostrar o noso apoio   ante os graves acontecementos que están tendo lugar en Honduras tralas eleccións do pasado domingo.

Para dar testemuño da situación do pobo hondureño visitou Galicia, a sindicalista Reyna Domínguez que denunciou que antes e tralas eleccións a represión en Honduras foi en aumento. Os e as sindicalistas e dirixente do Frente Contra o Golpe de estado están sendo perseguidos, realizando asasinatos selectivos e continúa violación dos dereitos fundamentais.

Por todo elo, e ante o silencio moitas veces do que está a acontecer e despois de 4 meses de loita organizada e pacífica solicitamos o apoio ós gobernos tanto o galego, como estatal e europeo e chamámolos a que sexan conscientes do que está a acontecer e non recoñezan o intento de lexitimación do goberno e o golpe de estado.

Dentro da continuación das actividades de Encadeadas,pertencentes á Campaña Roupa Limpa e financiadas pola UDC, este xoves e venres (3 e 4 de decembro) teremos en Galicia a visita da sindicalista Reyna E. Dominguez que estará en varias acción en Coruña e Compostela.

Pertence ó Sindicato de Traballadores da Empresa Jerzeesh de Honduras e acaban de gañar unha loita de moitos meses contra a empresa e unha das multinacionais que se abastecía de dita empresa, a marca Fruit of the Loom, por despedir a 1.200 traballadoras e traballadores e pechar a empresa, ó ser creado o sindicato para esixir unhas mellores condicións laborais.

Tras moito tempo de presión cara a marca por parte de miles de activistas e universidades , neste caso de Estados Unidos e Canadá, e do traballo destas mulleres, a empresa volverá a abrir e readmitir a tódalas traballadoras.

A política de distribución de Amarante consolida os produtos importados directamente ou por convenios con terceiros

AMARANTE segue a traballar en facer do comercio xusto unha ferramenta de cambio no sur e de construción dun modelo galego de comercio xusto que teña en conta tamén as nosas produtoras, no concepto da Soberanía Alimentar.

Importar produtos desde miles de quilómetros, aínda que sexan producidos en condicións de respecto aos dereitos humanos dos produtores, que son producidos na nosa area xeográfica local, é unha ameaza para a mudanza climática e xenera un tipo de agricultura para a exportación e non para as necesidades da poboación.

Nesa liña de Soberanía Alimentar, Amarante acaba de incorporar as súas tendas, inicialmente de Pontevedra e Compostela, produtos de producción ecolóxica e xusta de Galicia atendendo ás demandas dos nosos clientes e tamén favorecendo aos nosos pequenos produtores/as.

As gamas de produtos que se incorporan, inicialmente son de dous proxectos sociais innovadores: Amorodo, adicados a conservas da zona pontevedresa de Forcarei, e Milhulloa, cooperativa adicada a herboristería tanto comestible como cosmética da zona de Palas de Rei ( Lugo ).

O chamamento feito por Amarante, Acsur-Las Segovias, Coordinadora de Crentes Galegas e Galegos, Fuco Buxán, Solidariedade Internacional, Sindicato Labrego Galego, Verdegaia e Wipala ó Parlamento de Galicia, foi respostado cunha declaración pública en repulsa da situación que está a vivir Honduras.

Os acontecementos da semana pasada, nos que os golpistas rompían o pacto asinado días antes sen ningún tipo de explicación fan que adquira unha especial relevancia a Declaración Pública do Parlamento de Galicia, que se posiciona contra o Golpe de Estado e polo tanto do lado do pobo hondureño.